【星格★蹤】- 洪韻騏Wincy首次演唱劇集宣傳歌曲「透光」 即將亮相選秀節目《就是青春》

又一顆星格新星要誕生啦！如果大家早前有留意新聞都知道星格學員、Serena老師學生 Wincy洪韻騏要出新歌喇！

 

Wincy雖然只係加入星格短短約一年時間，但天份好高嘅佢一鳴驚人，上年已經憑住《紅玫瑰》奪得「星格季度大匯演」公開組最佳演繹大獎（公開組唯一兩個獎項之一，亦即當日最高殊榮）！之後一直好俾心機上堂，獲得Serena老師用心栽培。

 

直至早前於校內選拔，獲得參與香港開電視《就是青春》 節目機會，並於節目未播出前，獲得公司安排演唱《黑金風暴》劇集宣傳歌曲「透光」 ！話咁快有自己單曲，學院見到佢有呢個機會當然十分開心！期待Wincy繼續努力學習，越戰越勇！

 

經過長達一年排隊希望上校長Cleo課堂，適逢今次灌錄新歌，校長當然親自出馬，同Wincy進行額外重點特訓，希望為Wincy建立更鮮明個人風格及更獨特的演繹方式。講左咁多，相信大家都好期待聽到Wincy的聲音，大家快啲上YouTube及各大音樂平台欣賞Wincy嘅「透光」！

 

仲有仲有，大家記得follow埋Wincy ig：@hwankeii ！

 

近年好感恩見到不少學員在各大型電視節目中亮相，繼而投身唱片公司實現夢想！星格會繼續秉承有教無類，為樂壇帶來百花齊放人才的初心，與大家一同享受歌唱夢想之旅！亦希望各位星格寶寶繼續互相扶持，為每位師兄師姐努力嘅過程及成果而鼓掌 亦為大家帶嚟最積極正面的鼓勵！