一連四晚嘅聲夢傳奇演唱會 《聲·夢飛行FIRST LIVE ON STAGE》琴晚已經正式開騷，氣氛非常熱烈！ 星格流行音樂學院祝各位聲夢學員場場GOOD SHOW，座無虛席，演出精彩，盡情enjoy你地呢個舞台！！🔥Read more
Blog
兩師徒第一次孖住一齊出活動～去新城電台做節目嘉賓，非常難得！🤩 最近成功追夢嘅例子，一定非Gigi莫屬啦！💖作為佢嘅歌唱導師，陪伴Gigi走過一路以來追尋夢想嘅點點滴滴，經歷一個又一個嘅困難。今次Cleo校長同Gigi一齊上電台節目分享佢地二人嘅心路歷程，想更加了解佢哋嘅朋友仔快啲去聽番節目啦！😁 如Cleo校長所言，「讓夢想，不止於夢想。」每個人都有追尋夢想嘅權利，不論你嘅家庭背景、天份及條件，只要用心為自己打造屬於自己嘅天地，堅持唔好放棄，終會有你散發光芒色彩嘅機會，加油！🌟大家除咗可以上網重溫節目之外，仲可以喺新城財經台FM 104 星期四晚上11點重溫㗎！Read more
今年嘅《聲夢傳奇》位位學員都演出得非常精彩，即將佢哋都會踏上另一個舞台😍，舉行聲夢傳奇演唱會🥳，今次演唱會反應好熱烈，每次開售就秒速售罄，好榮幸今次大會特別留左門票，讓各位星格寶寶可以訂購，到場欣賞演唱會～🎤🎹🥁👏🏻👏🏻👏🏻 現在門票到咗星格九龍灣總校喇！成功預留嘅同學仔嚟領取喇～入場記得嗌大聲啲，show你哋嘅支持！期待每一位嘅演出🤩Read more
最近無論係Gigi炎明熹還是幕後功臣Cleo校長都頻頻出現於各大嘅社交媒體！🤩 相信大家對Cleo校長增加咗唔少認識！😆 今次東周刊嘅報導比較特別，除咗有講到Cleo校長如何培訓Gigi之外，仲有關於Cleo 校長一直秉承嘅教學理念同埋教學方針，培訓下一代樂壇新力軍！ 其實除咗Gigi之外仲有好多樂壇新星都係Cleo校長嘅愛徒嚟㗎！《聲夢傳奇》情歌王子Archie冼靖峰、靚聲Windy詹天文仲有《全民造星3》T.Max 海淦清、Sting 林明燊等等都係Cleo校長重點培訓嘅樂壇新星！🔥 細細聲話比大家聽～👀 Cleo校長喺訪問入面有分享都關於「火星女神」Gigi嘅小世界 – 「炎明熹邏輯」，想知內容嘅朋友仔快啲買番本雜誌睇下，又或者嚟上堂嗰陣都可以喺各間分校睇到～😆😆Cleo校長一直以來都默默為咗多位學生無私付出，真係有血有淚！🙈🙈 未來星格會係Cleo校長帶領下繼續陪伴大家一齊追夢！有夢想嘅朋友記住要堅持努力，必定會有機會為自己闖出一片天！🌈Read more
再次恭喜Gigi炎明熹經過幾年的努力，終於換來成果，以大熱姿態橫掃「《聲夢傳奇》專業評選大獎」、「《聲夢傳奇》觀眾熱選大獎」及全場總冠軍「《聲夢傳奇》傳奇新星」獎項🎖️，成為三料冠軍～星格上上下下仝人都非常為Gigi高興，衷心祝賀佢獲得好成績！ 除咗Gigi每日都喺各大媒體出現外，就連Cleo校長都成為報章爭相報導嘅對象👀！當晚決賽Gigi獲獎嗰陣，Cleo校長哭成淚人嘅畫面令人留下深刻印象，大家都紛紛搵出佢嘅猛料💢～ 13歲嘅Cleo校長喺公開組比賽中勇奪冠軍，15歲已經簽約唱片公司正式出道做歌手同出唱片，被譽為香港「宇多田光」，曾與各大監製合作，更被點名大讚，直至今日領導星格人才輩出，都係全賴當年經驗所得，一路走來並不容易～除咗訓練舞台上嘅星星，仲培育出多個專業導師同大家一齊追夢！🌟 老師們一脈相承，非常優秀👍🏻，所以各位星格同學仔要好好珍惜學習機會，同校長以及導師們帶住一份熱誠堅持行落去，我地一定會繼續努力，同大家一齊喺旅途上走出康莊大道！☺️💪🏼Read more
琴晚嘅《聲夢傳奇》總決賽可以話係全城矚目，五強嘅學員表現都非常出色，帶俾觀眾一個精彩嘅晚上！當晚冠軍大熱之一嘅Gigi炎明熹不負眾望勇奪三個大獎，包括「《聲夢傳奇》專業評選大獎」、「《聲夢傳奇》觀眾熱選大獎」及全場總冠軍「《聲夢傳奇》傳奇新星」，成為三料冠軍！🌟🎉 Gigi由12歲嚟到星格跟隨Cleo校長學唱歌，經歷過多次訓練，大大小小嘅舞台演出，漸漸將Gigi打磨成為大家喺舞台上所見到嘅閃耀新星！🤩當然除咗Cleo校長嘅用心栽培之外，Gigi一直以來都非常努力練習！👍🏻Cleo校長經常分享Gigi成日都會係最早嚟嘅學生，甚至當大家都放假嘅時候，Gigi都會繼續上堂練習，所以成功實在並非一朝一夕！🔥 由比賽開始到依家，相信Gigi嘅進步同改變大家都有目共睹，無論係遇上任何挫折，或者得到大家嘅認同都好，Gigi都唔會因而氣餒或者自滿，仍然會不斷追求進步，一直以來都係希望以自己嘅歌聲作品說話，用心做好音樂！❤️正如Cleo校長所講，聲夢嘅旅程雖然已經結束，但係佢地作為歌手嘅道路先係啱啱開始！加油呀炎明熹！💪🏻無論日後遇到咩都好，星格嘅上上下下都會一直支持你，成為你最強嘅後盾！💪🏻 最後真係好衷心多謝大家一直嚟對Gigi嘅支持同鼓勵，喺未來嘅日子希望大家會同星格一齊會繼續支持Gigi啦！❤️Read more
《聲夢傳奇》總決賽另一個焦點無疑就係Archie係首輪演唱《我懷念的》嘅精彩表現，更加勇奪全場最高分19分！🤩雖然最終未能進入最後兩強，但Archie 高水準嘅表現大家都有目共睹，得到專業評審嘅肯定！ 👏🏻 一個比賽當然會係有輸贏，但其實難能可貴嘅係喺比賽入面所學嘅野，遇上嘅種種人同事情，對於Archie未來嘅音樂道路上會有好大嘅幫助！🌈 睇住Archie初初嚟到星格學唱歌，一直以來不斷進步，喺《眼色》嘅演出突破自己，去到總決賽《我懷念的》嘅高水準表現，作為歌唱導師嘅Cleo校長真係好開心同欣慰！❤️ Cleo校長經常都會稱讚Archie係一個好勤力嘅學生，而且非常虛心受教，好記得校長分享過Archie經常會係最遲一個上堂然後第二日朝早又會見到Archie嚟上堂，師徒相隔唔夠12小時又相見！🤣《聲夢傳奇》已經告一段落，但Archie作為歌手嘅旅程先啱啱開始！期待Archie未來嘅表現！加油呀！繼續追尋你嘅歌唱！星格會全力Support 你！❤️Read more
一年前T.Max同Gigi 仍未出道嘅時侯於星格拉夫合唱《You are the reason》，當時已經得到大家嘅好評！😆最近片段被重溫，得到好多迴響！👏🏻 T.Max同Gigi 幾年前開始一齊係星格接受嚴格嘅訓練，大家一齊朝着目標進發～ 兩人更曾經一同合作表演音樂劇《忘不了的禮物2》！ 好開心Gigi喺《聲夢傳奇》上嘅表現都好出色，發展非常好～多個表演都受到一眾評判以及觀眾嘅欣賞！ 🤩而T.Max喺參加《全民造星3》後都成為咗《囝囝女女730》嘅常客，經常拍攝節目！ 🌟嚟緊T.Max全新嘅作品都會即將派台，大家到時記住留意啦！🌟 真係好開心兩位係不同嘅平台下都有咁好嘅發展，兩位年輕小伙子，努力做好音樂，追尋夢想！🌈 各位有夢想嘅朋友仔記得要努力堅持，唔好放棄，當你遇上適合自己嘅啟蒙老師、學校，相信大家一定可以係自己嘅夢想路上創出一片天空🤩！ 星格會繼續陪伴佢地走過未來種種嘅未知，幫助佢地係音樂路上繼續成長！☺️希望大家會繼續支持佢地啦！🤩 T.Max海淦清Instagram : t.max_music Gigi 炎明熹 Instagram : yimminghayRead more
最近收到同學仔嘅好消息！星格形體舞蹈老師Kyle Sir 學生Rainbow Lee 最近係各大嘅舞蹈比賽表演都相當出色呀！ Rainbow於環球藝術體育文化協會舉辦嘅國際兒童及青少年舞蹈比賽中勇奪冠軍！🏆 另外亦都於亞洲學生藝術節 – 藝術大賽2021 中獲得冠軍！🔥 而舞蹈老師Kyle Sir亦都獲得「優秀導師」獎狀！✨Rainbow真係好叻女呀！一直努力跟隨Kyle Sir 學習跳舞，無論係台風還是每一個動作嘅細節都非常認真細心咁去鑽研！💪🏻 相信年紀輕輕嘅Rainbow係未來嘅藝術道路上會有更多嘅可能性！😎期待你日後嘅表演！🔥 加油！😆Read more
作為一個16歲嘅高中生，理應係專心學業嘅年紀，但Gigi 炎明熹就選擇咗另一條與眾不同的道路。一個人身兼多職，要兼顧讀書、《聲夢傳奇》比賽、唱歌事業，真係聽到都覺得忙呀🤭！ Gigi都坦然最近都壓力「核爆」！💥但好慶幸屋企嘅家人都好支持自己專注歌唱道路，而且身邊亦有好多人幫助自己，陪伴自己走依條路！✨ 其實每次Gigi嚟到上堂，遇到每位同學仔都會比好多鼓勵佢，大家都百分百支持佢！💖無論最後賽果如何，佢永遠都會係星格最可愛、最純真、最充滿魅力嘅Gigi～🥰呢個學習唱歌嘅地方，亦都成為左Gigi第二個家，Cleo老師以及所有星格師生都會一直陪伴Gigi，帶俾佢無盡嘅支持同溫暖！😘 加油呀炎明熹！🥰 未來《聲夢傳奇》比賽將會進入最後階段，希望大家都會繼續支持Gigi， Gigi亦會繼續以歌聲感染大家，發掘自己更多嘅可能性，為大家帶來更多精彩嘅演出！🔥Read more
