在過去的星期六日中,星格的學生們一共贏取了14個獎,而2015年至今,星格學生亦合共贏取了42個獎項,看到星格的戰士們四處獲得讚賞與認同,我們都倍感安慰。連高晨維老師都忍不住打了篇千字文,現與大家一起回享這個喜訊: 過去這個星期日,我實在太激動了!! 一日三場歌唱比賽中,星格學生共取得八個獎(唔知有無記漏,請更正)! 好多同學Tag我千字文,今次俾我講下得唔得呀? 今次感觸特別多,因為小師妹呀魚Sin Ue Lam從一來到學習,我已經覺得她前途無限,但年幾以來參加幾次比賽,竟然一直都未有成功。今次是她第一次進入公開比賽「與你音樂」final,看到得獎名單寫著「冠軍」的一瞬我內心非常激動!我一早就知道你係得嘅!今次終於排除萬難,從跌倒中爬上更高峰!恭喜你! Alfred Wu係一個非常勤力、上進的學生!經常聽到Nic的電話播出一把熟悉的聲音,我知道又係Alfred有新練習俾Nic指導。擔任評判當日,我一聽到Alfred開聲,真的被他的聲音所動容,攞到咁靚的音色、咁穩定的氣息、情感流露雖略帶內向,但感覺真摯!最後總決賽時對手亦演繹得非常出色,但最後另外兩位評審都一致決定Alfred是「全場總冠軍」,雖然你外面依然冷靜,但我知道你內心好激動、好開心,我都為你同Nic鼓掌!一星期內連獲五獎,證明你倆的努力有正面的迴響!繼續努力! 呀信Rind Leung自再出返黎玩比賽後,一直屢獲佳績,聲音操控、感情處理、自信等都有非常大的進步,星期六、日取得幾個獎項,是你堅毅、不放棄、和努力的成果,我為你感到驕傲! 才女呀佩Pui Tsang一直不斷創作,今次進入三強已經很好成績,繼續用心創作,必定有人欣賞。 晚上的另一大賽其實真的戰況激烈,我覺得非常好睇,主辦單位製作出色,決賽的健兒們大都表現出眾! 恭喜Lychee LamDreamy第一次參賽就進入公開大賽的final,以後繼續多取經驗,在大舞台上發揮你的潛能! Winnie SoWinnie,幾多次的懷疑、幾多次的起起跌跌都在這遍掌聲中重新給予價值!當晚你是舞台上的巨星,聲線、舞台感、服裝造型、全部都是專業水準,歌曲難度亦十分高,你卻拿捏得非常到位,連你最驚的廣東歌都俾你攪掂左!以後唔容許你再懷疑自己,繼續勇往直前! 自德國返港第一日開始,已經連續見左Jay Lam連埋今日係第六日喇!呢個咁勤力的學生,攞獎係實至名歸!好多人見到別人成功,講一個:「你玩哂啦!」講出黎好似好輕易,有幾多人真係懂得欣賞別人背後付出的努力?你見到呀Jay由唔識唱英文歌、一個人唱唔到死了都要愛、無可能唱彭羚等等,今日佢一一都在舞台上分享給大家,佢唔懷疑,佢只係一心向前;佢無諗過擊敗任何人,一顆單純的心只想超越自己!我認為大家睇到不斷進步、不斷求變的Jay Lam,可以俾多幾次獎聲佢,佢絕對值得大家學習和支持! Dealer SingCecillia Tang Morgana Jacky Poon Zeth Pak-kan Ko,作為你們的老師,我唔會講大話,今次真係做得唔夠好,預備不足,天份你地三個都夠哂,努力唔係上天俾你的,用心做事才會成功!邊度跌倒,就邊度爬返起身,唔好幫自己搵藉口!遇強,越強! 最後我仲要多謝幾個大會Sandy Au Yeung 、@Sam、Jenny Li、Andy Wong等舉辦如此有意義的歌唱比賽,令每位參賽者都擴闊眼界,良性交流,以歌會知音。感謝樂隊Anson Lo、呀勤、家豪、Danny的精彩演奏! 今日的成果,代表了又一里程碑,亦代表了是時候繼續努力向前了! 祝福你們和所有比賽參賽者,享受音樂,讓音樂為你生命賦予更高價值。 Cleo? Posted by Cleo Ko on Tuesday, November 17, 2015Read more