大家仲記得Cleo校長多次大讚,風雨不改,無論十號風球、黑雨、山泥傾瀉,都必定準時黎上堂練習的鄔生(James 鄔友正),去年傳媒仲曾經報導要做炎明熹小師弟!上星期獲邀擔任《中年好聲音4越唱越強演唱會》神秘嘉賓,連續兩場為現場觀眾帶來原唱新歌《拼盡無悔》!🎤✨

70歲前未正式唱過歌,唱K都無;71歲報名《中年好聲音4》比賽,雖然最終未能晉級,但佢不但沒有放棄,反而用「邊度跌倒就邊度起返身」嘅精神,更加勤力練歌!一年後,夢想成真,以嘉賓身份同十強歌手同台喺伊館舞台上演唱,絕對係令人十分感動!🔥。Cleo 校長坦言,從未想過一位日理萬機嘅商人(鄔生形容自己做工廠嘅人)會如此認真學習同練習一門新技藝,這一年間,Cleo 校長見證住鄔生由對自己歌聲毫無信心,唔認識音樂,到一步一步學數拍子、將一首歌反覆練習超過一百次,唔怕難唔怕悶,真實見證一個香港最知名品牌之一嘅創業家的做人做事態度。

為咗今次演出,鄔生百忙中亦密密上堂備戰,為求在充足準備下為大家首次獻唱個人全新單曲《拚盡無悔》,更以現場 Live Band 形式演出,誠意十足!而 Philip 老師亦擔任了和音歌手之一。Cleo 校長更全程協助鄔生準備本次演出,仔細調整每一處細節,為初踏伊館台板嘅鄔生打下強心針,為演出全力護航🎵💪🏻。演出時,Cleo校長在台下陪伴鄔太迎接感動一刻!除咗鄔生的努力,鄔太在背後的默默支持亦是最堅韌的力量。❤️

鄔生由唔識唱歌,到做到一個圓滿演出,用行動話到俾大家知:「夢想從來不受年齡限制,只要願意踏出第一步,任何人都可以發光發亮!」✨

𝓘𝓷 𝓜𝓾𝓼𝓲𝓬 𝓦𝓮 𝓣𝓻𝓾𝓼𝓽.🎵