《 #聲夢傳奇2》已經每週熱播中，每星期學員們都帶嚟用心又精彩嘅表演，上個星期六Desta李茵彤迎來首個solo舞台，演唱陳蕾嘅《 屈機》！
Desta早喺2017年跟隨荃灣分校校長Waye Sir，一直參與星格大大小小嘅活動，見證住佢嘅成長，今次好開心見到佢有巨大突破，從busking開始，一步一步登上《聲夢2》呢個電視螢幕專業大舞台，絕對係Desta人生重要嘅里程碑！面對住咁多專業評審，都可以咁淡定，已經好唔簡單喇！見到好多網上留言都有讚佢青春活力，擁有一把甜美聲線！唔少媒體仲稱佢為「後樓梯歌后」，彈唱出色！！
雖然今次旅途要暫時告一段落，不過相信今次經驗已經令Desta獲得好多寶貴嘅意見，仲令好多觀眾對呢位彈唱新星留下深刻印象。星格會繼續支持你，做你最大back-up～期待未來會再見到Desta喺音樂路上有更好發展，發熱發亮，唱歌勁到「屈機」！
