【星格★蹤】聲夢傳奇 – 詹天文Windy東方新地報導

詹天文Windy係三位最年輕嘅參賽者之一，只有15歲嘅佢，由細細個開始已經跟隨Cleo校長好友Candy戚芷君老師學習正統聲樂，近年Windy更對流行音樂產生濃厚興趣，並由Candy老師極力推薦，正式成為Cleo校長嘅入室弟子學習流行聲樂，集古典與流行音樂元素於一身！曾經喺多個唔同舞台表演嘅Windy，聲夢傳奇無疑係一個更大嘅舞台比Windy發揮所長，加上星格嘅重點栽培，Windy一定會繼續進步，喺音樂路上行得更遠！