大家知唔知原來5月31日就係世界無煙日呢!星格一聽到【「愛.無煙 X 世界無煙日2021」 無煙抗三高Challenge】呢個咁有意義嘅活動,梗係即刻參加響應啦!當日我地完成咗唔同嘅活動,希望增加大家對煙害與三高關係嘅認識,並遠離所有吸煙產品,合力打造「健康工作間」!
唱歌需要靈活氣息轉換,而吸煙就會影響呼吸,更影響聲帶,我地吸入嘅所有嘢都穿過聲帶,所以一旦吸入過敏原、化學氣味、吸煙等刺激物都會產生不良反應,容易令聲帶變得乾燥沙啞,所以吸煙絕對會影響唱歌表現!!星格作為一所唱歌學府,絕不鼓勵每一位吸煙,並一直支持所有禁煙活動,因為有良好嘅體魄同呼吸先可以唱出好歌,高音低音都演繹得游刃有餘!所以大家都要多多支持呢個禁煙活動呀~