平時星期六就追住電視睇《聲夢傳奇》,上星期六一班學員終於跳出電視城,去到CityWalk荃新天地現場唱歌俾各位現場觀眾同fans聽,當中包括一眾星格寶寶 Gigi 炎明熹、Windy詹天文、Archie冼靖峰、Aeren文凱婷、Felix 林智樂 ,仲有到場出席支持嘅Venus 林沚𦐒、Aska張馳豪、Steven孫漢霖、Sherman 潘靜文一班戰友聚首一堂 !
當日場面熱鬧,吸引大批粉絲撐場,仲有唔少媒體都有報導盛況,好開心見到你地有咁多人支持你地,星格為你們而驕傲!!
10強學員輪流上台獻唱,並即場選出心目中「最有能力奪冠」及「最需要激發潛能」的學員,結果 Gigi獲6票被睇好「最有能力奪冠」。加油呀Gigi!我地相信你一定可以表現出最好,記得唔好俾太大壓力自己呀~
而Archie憑5票成為「最需要激發潛能」學員,我地都相信你潛能無限,一定會越唱越強!星格都會陪住你繼續進步!
黎緊嘅賽事大家繼續加油呀!期待你地嘅精彩演出!