【Cleo校長 「香港流行文化節2024」人物專訪】
康文處籌辦的「香港流行文化節2024」邀請本地具代表性人物進行一系列專訪，希望讀者在鎂光燈以外，了解一眾幕後功臣在不同崗位默默地「深耕細作」，努力撐起香港流行文化。早前特別邀請咗「撐起眾多樂壇新星🌟」的Cleo校長擔任受訪嘉賓！
Cleo校長一直希望為音樂界賦予正面影響，當中Cleo校長分享咗好多對流行音樂文化、學習唱歌嘅睇法，亦為每一位熱愛藝術嘅朋友提供非常寶貴嘅tips🫶🏻身為星格寶寶嘅你絕對不能錯過‼️
大家一齊畀個like👍🏻 、share呢段咁有意思的片段俾更多朋友，同埋留個言俾Cleo校長😃，等更加多朋友去認識呢位歌唱教育家👏🏻👏🏻👏🏻
𝓘𝓷 𝓜𝓾𝓼𝓲𝓬 𝓦𝓮 𝓣𝓻𝓾𝓼𝓽.🎵
#Repost@hk_pop_culture_festival
【流行文化BTS – 星級歌唱導師高晨維】
每一個喜歡音樂的人，與音樂總會有一些特別的故事。星格流行音樂學院的校長高晨維（Cleo）表示，音樂貫穿了她整個生命，「我細個身體比較虛弱，坐任何交通工具都會又暈又嘔，神奇嘅地方係，大概五、六歲嘅時候我發現，只要坐車嘅時候聽歌就唔會暈，所以基本上我無時無刻都喺度聽歌，你睇音樂幾神奇，有治療嘅能力！」由聽歌到唱歌，再到教唱歌，Cleo活脫脫就是一個唱而優則教的例子。
//選秀節目的導師視角//
教唱歌15年，學生過千人，當中不乏明星、名人。Cleo說，學唱歌的原因很多，可能單純想找點娛樂、要去參加比賽、或者是工作關係要增進技能、也可以是晚年追夢。一千人，可以有一千種教法，但首先還是要打好基礎，「唱歌用氣主宰一切！」她補充，很多人找她的時候都問要如何發聲，「我話你吸啖氣唱兩句嚟聽吓，如果用氣都未識，就唔好講其他嘢！」有了基礎，才能有不同的唱法、風格。
Cleo另一個為人熟知的身份，是電視選秀節目的歌唱導師。炎明熹（Gigi）、冼靖峰（Archie）、詹天文（Windy）、林智樂（Felix）、任暟晴（Jasmine）都是她的學生。她坦言在選秀節目教學生，與一般教學分別極大，「唔似一般比賽，可以好多時間練自己嘅歌，選秀節目係有一個好短嘅時限性！」她以Felix剛參加的一個節目為例，「由佢收到一首歌到佢唱，可能只係兩、三日嘅事。」要在極短時間內設計好歌曲的唱法，再指導歌手，「基本上要腦部大開發，我哋將能量提高到最高峰嘅時候，到凌晨我哋仲喺度研究，之後佢就已經要去錄影了！」
//教唱歌同伯樂差唔多?//
隨著教學經驗累積，Cleo的判斷力變得更加敏銳。所謂的「判斷力」，是指發現學生問題的能力，「佢哋面對最大嘅問題係乜，搵到就一擊即中！」其次是對潛能的預判，「唔係堂堂嚟學完首歌就算，要有個進程，睇到佢未來三個月、半年、一年，會去到邊。」她強調，教學 — 尤其藝術，沒有「一加一等於二」的方程式，除了傳授基礎知識，更重要的是引導學生尋找個人風格，發掘自我。
最難教的，Cleo笑說不是起點較低的一群，反而是資質不錯，覺得自己學好、很厲害的學生。她形容這類學生「個腦塞住咗」，不願意改善問題，「真係試過，企喺度成堂鬧足佢（學生）60分鐘，我話退番學費畀你啦，唔好再嚟，我冇辦法幫到你，因為你完全唔覺得我講嘅問題係問題，對住呢類學生，我覺得可惜、浪費囉。」她補充，炎明熹（Gigi）則屬於易教的類型，「好似海棉咁，覺得自己好多不足，不斷吸收，呢啲唔只係天份，仲係態度，可以喺學習過程入面去得好快！」
//每天要「吃」多一些//
Cleo小時候愛聽、愛唱鄧麗君的歌，10歲開始表演，甚至被稱為「小鄧麗君」。由於母親是廣東省粵劇名伶，也愛聽黃梅調。2000年正式出道，其中一位合作過的監製建議多聽不同類型歌曲，於是她開始涉獵外國歌，在唱片舖聽歌、到圖書館借碟，一下子踏入了新世界，「監製話我一定要搵到自己嘅風格，嗰陣都唔知風格係咩回事，咁就不斷聽，最初就由R&B開始鑽研。」
「You are what you eat（人如其食），如果你冇食（吸收）過嗰啲嘢，又點會創作或唱出好歌來呢？」所以Cleo從不「挑食」，不同曲風、不同歌手，都是她的食糧。這個習慣延續至今，每早起床，她都會打開串流平台聽聽「What’s Ｎew（新歌）」，也會建議學生聽碟時完整地聽，不准跳播，「聽其他人嘅鋪排，聽人哋成隻碟有咩音樂元素，將來你有機會出歌，覺得正嘅，就可以加埋入去。」
//誰都可以發光//
作為曾經出道的過來人兼老師，Cleo坦言教唱歌的目標，是幫人圓夢 — 無論夢想是改善唱歌技巧、踏台板表演一次、抑或贏一場比賽，「開始教第一個學生，就係純粹覺得我嘅知識同經驗，唔應該放喺度就算，真係好想將呢啲嘢畀其他人。」她說，世界很大，希望能將自己接觸到的世界，帶給每一個學生，「每一個嚟搵我嘅人，我都會睇到佢好似一粒星星，有啲學生五十幾六十歲，我都同佢哋開個小型演唱會，都係圓夢嘅過程！」她舉辦的活動，也不只演唱會，例如3月便會有一套關於海洋保育的共融音樂劇，讓學員以不同方式踏上舞台。
對於香港的流行音樂文化，她認為80、90年代香港的流行曲不僅有本地音樂元素，也融入了很多外國音樂，之後慢慢變得單一，「有一個時期我真係好驚，聽來聽去都係嗰啲嘢嘅？」近年網絡盛行，流行音樂回到了百花齊放的狀態，甚至「港味」更濃，「我有一個學生叫T.MAX，佢就係做一啲好港式嘅rap，類似以前嘅軟硬，呢啲都係一啲我覺得喺香港流行文化裡面，好正嘅嘢！」
Cleo希望能持續有優秀的音樂人加入，令香港的音樂繼續成長。她指，近年關於音樂的正規課程變多了，網絡令到好的作品更易曝光，加上選秀節目為年輕人提供了一條出路，「有成功嘅例子，先會令後面嘅人覺得『我都得』。」她笑着分享，「我啱啱教唱歌，真係會有家長好抗拒，話『唔好再講，我個女唔做歌手，搵唔到食』，依家基本上係，『我都想我個女，可以有機會試試！』」
