星格又一年完成聖雅各福群會賽馬會「入伍登陸‧快閃動」計劃,每年呢個計劃都令我哋團隊上下非常感動☺️,可以同一班50至65歲退休人士聯同一班長者齊齊推廣「健娛運動」概念(運動+音樂+肢體動作),睇住佢地每星期好俾心機參與「快閃舞台訓練」,完成話劇拍攝,真係會好激動人心💪🏼💪🏼💪🏼!
回想今年其實都困難重重,受到疫情影響,部分時間都要靠住Zoom去見面,最後又無法去社區作「快閃表演」,但係靈活變動嘅我地當然唔會俾呢個計劃停止,多得各個單位互相配合,最後決定以拍攝短片形式展現成果🎞️!
早一陣子聖雅各福群會仲搞咗一個首映禮,首次播放三條分別以婚禮、籃球比賽以及畢業禮為主題嘅健娛運動短片,仲有唔同單位聚首一堂分享,睇得出各位大使們都非常期待同興奮🤩,星格都一樣㗎,可以見證到大家努力嘅成果,真係非常感謝每位積極參與~👏🏼
再次感謝聖雅各福群會賽馬會繼續同星格合作,新一年大使「快閃舞台訓練」已經進行得如火如荼,期待有更精彩表現!✨
希望大家未來繼續「日日做運動」,將持續運動嘅訊息宣揚俾大眾,人人身體健康!💞