有留意上兩集《聲夢傳奇》嘅朋友仔,相信大家對於賽果都大跌眼鏡呀!當日孫漢霖Steven 被淘汰,大家都大叫唔抵呀!奶爸李克勤更加指估唔到結果係咁,如果佢有選擇權一定唔會選擇淘汰Steven!
唔講唔知Steven 原來並無打算參加依個比賽,但當時Cleo校長非常睇好佢嘅潛能,而且都好鼓勵Steven 勇敢去追尋理想,經過Cleo校長嘅連連鼓勵之下,Steven 最終決定挑戰自我,參加比賽,仲殺入十五強!當晚比賽演唱《洋蔥》嘅表現亦受到大家嘅一致好評,以高分姿態勝出回合!
不過點都好,比賽都有一定會有輸贏~Steven都表示雖然被淘汰都感到可惜,但佢都好開心有機會追夢,做自己鐘意做嘅事!相信你嘅努力大家都有目共睹,你已經好叻㗎啦!星格上上下下都以你為榮,睇住你不斷進步,不停挑戰新嘗試,勇於突破自我,跳出框框!比100個叻你!
Steven唔經唔覺已經係星格跟隨東校長學習4年,對於舞台同表演嘅觸覺都非常靈敏,而且有一直鑽研唱歌嘅技巧,相信如果未來有更多平台俾Steven發展,一定可以發掘佢更多嘅可能性!
雖然唔知會未來會唔會有復活賽,但肯定嘅係Steven唔會放棄夢想,會繼續努力追尋唱歌夢!大家未來一定要繼續支持佢呀!期待你未來更多作品,加油!
大家快啲去follow Steven 嘅Instagram,比個like留個comment支持佢啦!
孫漢霖Steven Instagram:@fire_chickens_