時隔數月，荃灣校舍係18/7再次化身成最熱鬧嘅OPEN MIC派對現場！🎶 當晚係🎸Full Band強勁現場伴奏下熱烈展開，一眾7月壽星、星格寶寶與好友們聚首一堂，齊齊慶祝高歌！🥳
今次Open Mic一次過頒發過往3個月嘅「🌟每月之星🌟」獎項，再次恭喜 ✨Nicole,✨Alan 及✨Winnie 獲獎 🌟！三位各具特色嘅歌手於現場演繹獲獎歌曲，以歌聲答謝大家嘅肯定，動人演繹贏得全場熱烈掌聲！👏你哋嘅努力大家都有目共睹💪💪期待同學們繼續帶來更多好演出！✨
星格拉夫嘅一貫傳統，當然唔少得切蛋糕儀式🎂！🐟魚校長作為7月代表之一與多位7月壽星：Nicole, Valery, Kristen, Ottilie及倩欣一同站上台，接受全場大合唱生日歌，場面既熱鬧又感動。
有印象嘅星格寶寶應該都記得由活動宣傳開始就一直宣告當晚將設有「🎈神秘環節🎈」🫢。就係🐟魚校長公布BB——薏米寶寶嘅性別！🩵👦🏻藍色定係粉紅色👧🏻🩷？大家一入場就紛紛投選猜測，期待值瞬間拉滿😆。當魚校長係台上親自揭曉謎底個一刻👶🏻🩵，全場歡呼聲此起彼落，無論猜對與否，大家都為這份驚喜報以最熱烈的掌聲，環節刺激又溫馨！
當晚星格小組班嘅同學帶來嘅合唱演出亦令人驚喜滿滿。和音班同學首度合體上台，以完美默契演繹歌曲。而廣東歌班同學合唱《凡星》，熟悉的旋律響起，凝聚嘅力量與熱情，深深觸動了在場每一個人。🌠
透過星格拉夫大家能夠認識到一班志同道合嘅朋友，一齊交流音樂、分享舞台上每一個時刻，絕對係最珍貴的禮物。🎁感謝每一位參與嘅星格寶寶，期待下次再見，繼續用音樂連結彼此！🎶💕
𝑰𝒏 𝑴𝒖𝒔𝒊𝒄 𝑾𝒆 𝑻𝒓𝒖𝒔𝒕.🎵
