6月盛夏熱力四射☀️，三位充滿活力嘅星格新晉導師：Wincy老師、Philip老師以及Brian老師🎙️，首度聯手舉辦嘅學生交流會圓滿落幕！值得留意嘅係，今次參與交流會嘅學員當中，絕大部分都係初次登台嘅新同學！ 佢哋帶住緊張又期待嘅心情，勇敢踏上呢個專屬交流舞台🪩，以最真摯嘅歌聲向全場展示自己嘅第一步。✨
三位導師均師承星格體系，其中Philip老師及Brian老師更均為星格人創辦人之一Nic校長得意門生，而Wincy老師則師承於荃灣校舍校長Serena(魚校長)。今次交流會邀請到Nic校長於百忙中抽空擔任評審🌟，以師公嘅身份見證新晉導師們嘅第一批學員，更顯星格音樂薪火相傳嘅深厚底蘊！Nic校長以專業獨到嘅視角，為每位學員送上真摯點評與鼓勵💥，令現場交流火花四濺，精彩紛呈。
經過一番激烈角逐，恭喜以下同學斬獲殊榮：
🎖️最佳演繹獎：
𝐀𝐥𝐦𝐚 𝐋𝐚𝐢, 𝐄𝐮𝐧𝐢𝐜𝐞 𝐋𝐚𝐢, 𝐊𝐞𝐯𝐢𝐧 𝐘𝐚𝐮
🎖️最佳進步獎：
𝐀𝐥𝐢𝐬𝐭𝐚𝐢𝐫 𝐅𝐮𝐫𝐬𝐭, 𝐀𝐥𝐦𝐚 𝐋𝐚𝐢, 𝐒𝐨𝐩𝐡𝐢𝐚 𝐋𝐞𝐮𝐧𝐠
交流會當日更由Philip老師打頭陣，以個人歌曲《超前部署》為全場揭開序幕🎵！及後學員們輪流登場，每一位新同學均全力以赴💪，雖則難免緊張，但踏上舞台嗰一刻已經係勝利👏👏！壓軸環節Wincy老師更以一曲《天空沒有極限》展示驚人爆發力量🌟！Brian老師從9歲起於星格學習，當晚分享自身成長故事，並演繹Michael Jackson嘅經典作品《Black or White》，展現大將之風，感動全場🎤！
踏出第一步從來最需要勇氣，而當日同學們唔單止踏出咗，仲用歌聲證明咗自己嘅潛能。舞台從來沒有捷徑，只有一次比一次更熟練、更自信。願各位繼續保持初心與膽量，喺音樂路上愈戰愈勇，未來一定可以綻放出更耀眼嘅光芒！🌟
𝐈𝐧 𝐌𝐮𝐬𝐢𝐜 𝐖𝐞 𝐓𝐫𝐮𝐬𝐭.🎵
