不知不覺，星格已經與聖雅各福群會賽馬會合作無間6年喇！
新一屆大使嘅「畢業作品」-「入伍登陸．快閃動」健娛運動短片亦面世，上星期仲舉行咗一個首映禮，連同數十名大使一齊欣賞成品，大家都非常高興！
可以同一班50至65歲退休人士聯同長者中心老友記齊齊推廣「健娛運動」概念(運動＋音樂＋肢體動作)，真係一項有意義又好玩嘅活動！
新一屆大使嘅「畢業作品」-「入伍登陸．快閃動」健娛運動短片亦面世，上星期仲舉行咗一個首映禮，連同數十名大使一齊欣賞成品，大家都非常高興！可以同一班50至65歲退休人士聯同長者中心老友記齊齊推廣「健娛運動」概念(運動＋音樂＋肢體動作)，真係一項有意義又好玩嘅活動！
首次同COME KNOW襟撈團隊合作拍攝
今次亦非常榮幸可以邀請合作無間的COME KNOW襟撈團隊一同拍攝，影片係以三個唔同年代及主題作為背景，希望以運動打破唔同界限，令人與人之間關係更融合。
帶大使們到AVON錄音
回顧今年整個計劃，一開始非常順利，可以同各位大使及長者們實體見面，練習歌舞，去到香港傳奇錄音室AVON錄音，可惜好景不常，當我哋完成第一個主題拍攝時，就遇上疫情轉差，社交距離措施收緊，我哋冇辦法按照原定計劃完成拍攝。
「疫」境下變陣
幸好各方互相配合，即使遇上臨時變陣，需要逐個逐個大使拍攝，最後都順利完成之餘，仲好滿意成品，辛苦晒每個合作單位！每年參與呢個計劃星格團隊都非常激動，因為往往都係由不可能變為可能！
最後最重要是再次感謝聖雅各福群會賽馬會繼續同星格合作，希望不久將來可以繼續合作，以更加精彩嘅形式宣揚「健娛運動」概念！
大家只要上到 HUBBA Lab’s 嘅YouTube channel就搵到影片喇，可以邊睇邊 「 #日日做運動」，將持續運動嘅訊息宣揚俾大眾，人人身體健康！
