


《 聲夢傳奇2 》第三輪淘汰賽,終於睇到女團XiX嘅比賽舞台,唱跳韓國女團GFRIEND原唱嘅《 Me Gustas Tu 》,以超水準非常齊整嘅舞蹈,加上穩定發揮演唱,獲得評判一致好評,拎到23盞綠燈嘅高分成績,一向嚴謹嘅張佳添監製都大讚佢哋已經係一隊真正女團!!!佢哋勤力上堂嘅決心、辛苦學習到嘅技巧冇白費到呀~
琴日聲夢2學員亦去到銅鑼灣一個商場舉行見面會,獲得大批fans支持,星格都好高興見到有咁多人支持呢班追夢嘅學員~希望有越來越多嘅觀眾可以睇到佢哋嘅努力同進步啦!
未睇嘅朋友即刻去片聽吓XiX精彩演出啦!